Himas-rehas ang isang lalaki matapos mahulihan ng hinihinalang droga sa drug buy-bust operation ng PNP sa Brgy. Poblacion 5, Coron, Palawan, noong ika-7 ng Nobyembre pasado 12:20 ng madaling araw.
Kinilala ang inaresto na si Alias Tots, 60-anyos, at residente sa nasabing lugar.
Isinagawa nang pinagsanib na puwersa ng Coron Municipal Police Station (MPS) at ng personnel mula sa RDEU/RCSG Palawan, Palawan PPO, 2nd PPMFC; SOU-MG Coron MSBC ang operasyon na nagresulta sa pag-aresto sa nasabing suspek. Nakuhanan ito ng apat na pirasong hinihinalang shabu at animnaput-apat na sachet na naglalaman din ng hinihinalang shabu na tinatayang mahigit Php30,000 ang market value at maging mga paraphernalia at marked money na ginamit ng mga operatiba.
Kaugnay nito, nasa pangangalaga na ng Coron MPS ang suspek at sasampahan ng kasong paglabag ng RA 9165 o comprehensive dangerous drug act of 2002.
Discussion about this post