Masuwerteng nakaligtas sa saksak ang isang lalaki na bumili lamang sa tindahan sa bayan ng Narra noong Marso 27.
Ayon sa report ng Palawan Provincial Police Office, pasado 5:30 ng hapon ika-27 ng Marso nang mangyari ang insidente sa Purok Magsasaka, Barangay Taretien.
Bumibili sa tindahan ang biktima na kinilalang si Elmer Menrajal Salbosa, 34 anyos, magsasaka, nang biglang lapitan ng suspek na kinilala naman na si Vicente Aquino Ducejo Jr , 22-anyos.
Sinaksak umano ni Ducejo sa likod ang biktima. Agad naman nakatakbo si Salbosa at humingi ng tulong.
Nabatid na mayroon nang alitan ang dalawa bago pa mangyari ang pananaksak.
Naisugod agad sa pagamutan ang biktima, habang ang suspek ay nasa kustodiya na ng Narra Municipal Police Station at sinampahan na ng kaulang kaso.
Discussion about this post