Mangingisda, nakaligtas matapos atakihin ng buwaya sa Bataraza

Nakaligtas ang isang mangingisda matapos itong atakihin ng buwaya ganap na ikaw 11:30 ng gabi noong Biyernes, Nobyembre 1, sa Sitio Kamonongan, Barangay Tagolango, Bataraza, Palawan.

Ayon sa spot report mula sa otoridad, kinilala ang biktima bilang si Hairal Jalapaan, 52 anyos at residente ng nasabing lugar.

Ayon pa rin sa report ng otoridad, bigla na lamang inatake ng buwaya ang biktima habang kasalukuyan niyang tinutulak ang kanyang bangka upang mangisda noong gabi ng Biyernes.

ADVERTISEMENT

Nanlaban umano ang biktima sa kanyang itinatayang 10-talampakang buwaya at maswerteng nakatakas at makahingi ng tulong sa kanyang mga kasama bagaman ito ay nagtamo ng mga kagat at sugat sa kanang hita.