Dinakip ng mga awtoridad ang isang lalaki na pang walo (8) sa Most Wanted Person sa Lalawigan ng Palawan bandang alas onse ng umaga kanina, Abril 7, 2021 sa Purok Narra, Barangay Sicsican, Puerto Princesa City.
Sa report ng PNP, kinilala ang suspek na si Michael Dave Dancil Yseg, 19 anyos, lalaki, may asawa, at residente ng Barangay Taloto, Araceli, Palawan.
Inaresto ito sa bisa ng warrant of arrest na inilabas ni Hon. Judge Emmanuel Q. Artazo ng Family Court Branch 14, 4th Judicial Region, Taytay, Palawan na may petsang Oktubre 20, 2020 dahil sa kasong RAPE, at walang kaukulang piyansa.
Si Yseg ay nasa kustodiya ng Puerto Princesa City Intelligence Unit at nakatakdang iharap sa korte para sa kaukulang disposisyon.
Discussion about this post