Suspek sa pagpapaputok ng baril sa Narra, kusang sumuko sa mga awtoridad

Kusang sumuko sa mga kinauukulan ang isang indibidwal kahapon na umano’y nanggulo at nagpaputok gamit ang improvised handgun sa Bayan ng Narra.

Kinilala ang suspek na si Rey dela Cruz Cesar, 56 anyos, binata, mangingisda at residente ng Brgy. Bato-bato, Narra, Palawan.

Elderly couple in El Nido pleads for building materials after losing home to Typhoon

DTI enforces prize freeze in Typhoon affected areas including Palawan

CBNC, patuloy na pinagtitibay ang suporta sa responsableng pagmimina

Sa spot report ng Palawan PPO, bandang 2:20 pm kahapon, tumungo ang kapitan ng Brgy. Bato-bato, sa Narra Municipal Police Station (MPS) at itinurn-over ang suspek kasama ang improvised caliber .38 handgun na walang serial number, tatlong pirasong bala at dalawang fired cartridges.

Batay pa sa report ng Provincial PNP, dakong 9:00 am kahapon sa nabanggit na lugar, tumawag ang isang concerned citizen kay Kgd. Junjie Farman at humihingi ng tulong kaugnay sa nagaganap umanong gulo sa mga oras na iyon.

Nang dumating sa lugar, nakita umano ni Kgd. Farman ang suspek na armado ng isang handgun at nagpaputok ng dalawang beses. Nagpakilala naman ang kagawad sa suspek at kalaunan ay sumuko sa kanya kasama ang dala-dala niyang baril.

Nahaharap naman ngayon ang suspek sa paglabag sa Republic Act 10591 o ang “Comprehensive Firearms and Ammumition Regulation Act at Discharge of Firearms.