55th anniversary ng Coast Guard District Palawan, naghatid ng saya sa mga kabataan sa Barangay Matiyaga

Pinangunahan ng Coast Guard Dental Station Palawan (CGDSPAL) noong Agosto 9, ang pagdaraos ng “Give-Kids-a-Smile Program” bilang paggunita sa ika-55 anibersaryo ng Coast Guard District Palawan (CGDPAL).

Matagumpay na isinagawa ang aktibidad sa pakikipagtulungan ng mga 402nd at 403rd Auxiliary Squadrons ng Coast Guard Auxiliary District Palawan (CGADPAL), Sassi Salon & Beauty Supplies, at YL Car Rentals, at ginanap ito sa Covered Gym ng Barangay Matiyaga, Puerto Princesa City, Palawan.

Pinangunahan ni Deputy Commander, CGDPAL, CG Captain Dorothy Manglicmot ang programa na nagdala ng 150 masisiglang kabataan, may edad 5-1 anyos, mula sa mga barangay ng Matiyaga, Liwanag, Bancao-Bancao, at Mandaragat. Maliban sa pagmamarka nito sa mahalagang yugto sa kasaysayan ng CGDPAL, ipinakita ng aktibidad ang kahalagahan ng kagandahang pang-ngipin sa buhay ng mga kabataan at ibinahagi ang kaalaman sa pagpapabuti ng mga praktis para sa oral na kalusugan.