Sa katatapos lang na press conference ngayong araw ng Lunes, Abril 6, pormal nang pinangalanan ng Philippine National Police (PNP) ang apat na tauhan nito na sangkot sa madugong barilan sa Barangay Irawan noong Biyernes Santo, Abril 3, 2026.
Kasabay nito, inamin ng pamunuan ng pulisya na mayroong mga seryosong “operational lapses” o pagkukulang sa panig ng kanilang mga kawani na humantong sa trahedya.
Batay sa inilabas na report ng Puerto Princesa City Police Office (PPCPO), kinilala ang mga sumusunod na PNP personnel na bahagi ng nasabing engkwentro:
6. PSSg Joseph Ian Carpio (Rumesponde)
(Paunawa: Dalawa sa mga pulis ay kabilang sa mga nasawi sa insidente, kasama ang isang empleyado ng Bureau of Corrections (BuCor) na kinilalang si CO1 Jerson Ojario Talon.)
Sa harap ng mga lokal na mamamahayag, hindi itinanggi ni PBGEN Jovencio Badua Jr., RD PRO MIMAROPA, na may mga protocol na hindi nasunod habang isinasagawa ang operasyon sa Zone 13, Brgy. Irawan.
“Yun ang violation natin doon, bakit sila lasing at naka civilian pa considering that the are under post because it’s Holy Week. Dapat kalmado pa din sila at saka ganoon na nagpakilala na na taga BuCor dapat nag isip din ‘yung ating mga pulis. Dapat hindi sila nagpadala sa emosyon,” ani Badua.
Binigyang-diin ng PNP leadership na bagaman ang apat ay itinuturing na on-duty dahil sa ipinatutupad na Full Alert o Red Alert status noong Semana Santa, malinaw na nilabag ng mga ito ang standard operating procedures ng organisasyon.
Ayon sa inisyal na ulat ng Special Investigation Task Group o SITG Irawan, ang pag-inom ng alak at ang pagsusuot ng civilian attire sa halip na opisyal na uniporme ay itinuturing na gross misconduct, lalo na sa panahon na ang buong pwersa ay dapat nasa pinakamataas na antas ng disiplina at kahandaan.
Ang kawalan ng uniporme ay nakita ring naging sanhi ng kalituhan sa pagkakakilanlan na posibleng nagpalala sa palitan ng putok sa pagitan ng mga pulis at ng nasawing kawani ng Bureau of Corrections na si Jerson Ojario Talon.
Inihayag ni Badua na hindi nila itotolerate ang ganitong uri ng kapabayaan at tinitingnan na rin ang aspeto ng command responsibility upang malaman kung may pananagutan din ang mga immediate supervisors ng mga nasabing pulis.
Sa kasalukuyan, hinihintay pa ang pinal na resulta ng ballistics examination at ang pagsusuri iba pang anggulo ng krimen upang mabuo ang buong serye ng mga pangyayari. Ayon din kay Badua, nakarekober sila ng pitong bala ng 9MM sa naturang crime scene bagaman hindi pa malinaw kung sino ang unang nagpaputok sa mga sangkot.
Samantala, tiniyak naman ng pulisya na magiging transparent sila sa paghawak ng kaso at walang mangyayaring cover-up kahit na kapwa mga alagad ng batas at lingkod-bayan ang sangkot.
