3rd most wanted sa Española, arestado

Arestado ang ikatatlong most wanted ng Sofronio Espanola MPS, PALPIU, at 1st Provincial Mobile Force Company sa Brgy. Pulot Shore, Sofronio Espanola, Palawan nitong November 17, 2021.

Kinilala ang arestado na si Ray Montes Noquil, 49 anyos, may asawa, at residente sa Sitio Ipaputo, Brgy. Panitian, Sofronio Espanola.

Inaresto ang lalaki sa bisa ng warrant of arrest dala ng PNP sa kasong attempted murder.

Kinakailangan naman makapaglaan ng piyansa sa halagang P120,000 para sa pansamantalang kalayaan nito.

Samantala, nasa kustudiya na ng Española PNP ang suspek para sa kaukulang desposisyon.