PPCWD, magtataas ng singil sa tubig dahil sa power rate adjustment

Batay sa inaprobahan ng Local Water Utilities Administration (LWUA), tataas ang singil ng PPCWD ng 2.50 pesos kada cubic meter. Ang pagtaas na ito ay bunsod ng pagtaas ng presyo ng kuryente at gasolina na ginagamit sa operasyon ng mga pasilidad ng tubig. Gayunpaman, maaaring bumaba ang singil sa tubig sakaling bumaba rin ang gastos sa kuryente.

Gumagamit ang PPCWD ng kuryente upang magpatuloy sa pagbibigay ng sapat na supply ng tubig sa buong lungsod. Dahil umaabot ng mahigit limang hanggang tatlong milyong piso ang binabayaran sa kuryente bawat buwan, nababawasan ang pondo para sa iba’t ibang proyekto ng water district, kaya’t ang layunin ng PPCWD ay mapanatili at mapalawak ang kanilang water supply system at tuloy tuloy ang mga proyekto.

Dagdag pa rito, nagplano ang PPCWD na magtayo ng imbakan ng tubig sa Barangay Sta. Monica upang masigurong tuloy-tuloy ang distribusyon ng tubig sa mga kabahayan ng mga consumer, lalo na’t patuloy nilang pinaghahandaan ang epekto ng El Niño.