Tricycle driver, huli sa buy-bust op sa Española

Arestado sa ikinasang anti-illegal drugs operation sa Bayan ng Sofronio Española ang isang drayber ng traysikel kahapon.

Kinilala ang naarestong suspek na si Allan “Lan” Bagile Balao, 45, may asawa, isa ring magsasaka at residente ng Purok Gumamela, Brgy. Pulot Shore ng nabanggit na munisipyo.

Sa spot report ng Palawan Provincial Police Office, nakasaad na isinagsagawa ang buy-bust operation ng pwersa ng Sofronio Espanola MPS MDET, kasama ang PALPIU, at Palawan Provincial Drug Enforcement Unit (PDEU) dakong 10:30 am kahapon, August 21, 2020 na nagresulta sa pagkakaaresto sa nasabing indibidwal at pagkakakumpiska mula sa kanyang pag-iingat ng 13 pakete na naglalaman ng pinaghihinalaang shabu at tatlong P3,000 marked money.

Sa ngayon ay nahaharap ang suspek sa kasong paglabag sa RA 9165 o ang “Comprehensive Dangerous Drugs Act of 2002.”