Dalawang babae sa Santa Monica, tinangka umanong isakay ng mga lalaking lulan ng motor at topdown

Agad na kumaripas ng takbo ang dalawang dalaga habang sila ay naglalakad sa bahagi ng PENRO Road sa Barangay Santa Monica ganap na 8PM, gabi ng Linggo, Abril 16.

Ayon kay John Raymund Asis, base sa kuwento ng kanyang kapatid na isa sa mga dalaga, ay naglalakad umano ito kasama ang kanyang kaibigan pauwi ng mapansin umano nila na may motor at topdown na sumusunod sa kanila at nakuha pa umano silang aluking sumama.

Matapos tanggihan ng dalawang dalaga ang mga ito ay muling umikot sa kanila ang isang motor ngunit bago pa man sila maharang at agad na nakatakbo at nakalayo sa mga lalaki.