Mag-asawa patay matapos bumangga ang sasakyan sa puno sa Barangay Sta.Lucia

Patay ang mag-asawang sina Marcelino Saraos Dela Cruz at Lydia Billones Dela Cruz matapos na bumangga ang sasakyan na minamaneho na kanilang anak na si Jessie Billones Dela Cruz

Sugatan naman sina Adelina Dela Cruz Bernas at Jeanette Favila Dela Cruz pawang residente sa  Barangay Maasin, Brooke’s Point.

Ayon sa  imbestigasyon ng PNP, ganap na 6:00 ngayong gabi ika-16 ng Mayo ng maganap ang aksidente sa Sta. Lucia Bridge, Barangay Sta Lucia.

Mula south  national highway pabalik ng  Brooke’s Loint ang sasakyan ng naka-idlip ang driver at pagmulat nito nasa kabilang kalsada na ang sasakyan at sa bilis ng pangyayari nag-overshoot at tumama sa punong kahoy. Sa lakas ng impact wasak ang unahang bahagi ng sasakyan.

Agad na naisugod sa pagamutan ang mga biktima kasama ang driver ngunit sa kasamaang palad ang mag-asawa ay binawian ng buhay.

Patuloy ang imbestigasyon ng PNP sa aksidente.