Kalabuso sa isinagawang drug buy bust operation ng mga otoridad ang isang lalaki kanina, mga bandang alas 10 ng umaga, sa Purok San Francisco, Barangay Tiniguiban, Puerto Princesa City.
Sa spot report ng Philippine National Police (PNP), ang suspek ay kinilalang si Rene Jr. Camahort alyas Jay-Ar, 35 anyos, may asawa, at residente ng Sitio Bucana, Barangay Iwahig, Puerto Princesa City.
Nakumpiska sa kanya ang anim na plastic sachet na naglalaman ng pinaghihinalaang shabu, ₱4,500 na buy bust money, isang cellphone, at motor na gamit ng suspek.
Samantala, si Camahort ay nasa kustodiya na ng PNP at mahaharap sa kasong paglabag sa Republic Act 9165 o Comprehensive Dangerous Drug Act of 2002.
Discussion about this post