Lalaking most wanted sa batas, arestado sa Puerto Princesa

Isang lalaki na itinuturing na most wanted person sa batas ang naaresto ng mga awtoridad bandang 4:15 ng hapon noong Setyembre 2, 2024, sa Barangay Irawan, Puerto Princesa City, Palawan.

Kinilala ang suspek na si alyas James, 49 anyos, isang magsasaka at residente ng Purok 6, Barangay Inagawan-Sub, Puerto Princesa City.

Ang nasabing wanted person ay inaresto ng mga tauhan ng Police Station 2 (lead unit) sa pangunguna ni Police Captain Douglas N. Sabando, ASC, PS2, kasama ang Police Station 3, 401st B MC RMFB, Tracker Team ng Puerto Princesa City Police Office, CIU PPCPO, at CIDG PFU PALAWAN.

Napocor assures fuel supply assistance at lower rates to power providers

DSWD, DOLE trains 232 4Ps beneficiaries in Bataraza

BFAR warns public vs Box jellyfish

Ang pag-aresto ay isinagawa sa bisa ng Warrant of Arrest na inilabas at nilagdaan ni Jocelyn Sundiang-Dilig, Presiding Judge ng RTC, Branch 47, Fourth Judicial Region, Puerto Princesa City, na may petsang Agosto 22, 2024. Ang mga kaso ay kinabibilangan ng:

Sexual Assault sa ilalim ng Article 266-A(2) ng Revised Penal Code (RPC), kaugnay ng Republic Act 7610, na may limang kaso. Ang inirekomendang piyansa bawat kaso ay Php 200,000.00.

Statutory Rape sa ilalim ng Article 266-A paragraph 1(D) ng RPC at R.A. 11648, na may limang kaso. Walang inirekomendang piyansa para sa bawat kaso.

Iba pang gawaing pang-aabuso sa mga bata sa ilalim ng Section 10(A) ng Republic Act No. 7610, na may piyansang Php 80,000.00.

Ang inarestong tao ay kasalukuyang nasa kustodiya ng Police Station 2 para sa dokumentasyon at ihaharap sa korte na naglabas ng warrant para sa tamang disposisyon.

Tags: most wanted sa batas