ADVERTISEMENT
Palawan Daily News
  • Home
  • Latest News
    • City
    • Provincial
    • National
    • Regional
  • Advertise
  • Online Radio
  • Opinion
  • Legal Section
  • Lifestyle
  • About the PDN
    • Contact Us
    • Ownership and Funding
No Result
View All Result
Palawan Daily News
  • Home
  • Latest News
    • City
    • Provincial
    • National
    • Regional
  • Advertise
  • Online Radio
  • Opinion
  • Legal Section
  • Lifestyle
  • About the PDN
    • Contact Us
    • Ownership and Funding
No Result
View All Result
Palawan Daily News
No Result
View All Result
Home Government

AVPP-SAC, 3 kaparian at pastor, tinukoy ng PTF-ELCAC na ‘pinakikilos’ ng CPP-NPA-NDF sa PALAWAN

Diana Ross Medrina Cetenta by Diana Ross Medrina Cetenta
December 6, 2019
in Government, Provincial News, Security
Reading Time: 5 mins read
A A
0
AVPP-SAC, 3 kaparian at pastor, tinukoy ng PTF-ELCAC na ‘pinakikilos’ ng CPP-NPA-NDF sa PALAWAN
Share on FacebookShare on Twitter
Print Friendly, PDF & Email

Tahasang pinangalanan ng Palawan Task Force – ELCAC ang tatlong kapariang sakop ng Apostoliko Bikaryato ng Puerto Princesa, maging ang AVPP-Social Action Center, Inc. at ang isang pastor ng United Church of Christ of the Philippines (UCCP) –Puerto Princesa City na umano’y pinagagalaw ng mga komunistang teroristang CPP-NPA-NDF sa lalawigan.

Sa Press Conference sa VJR Hall, Provincial Capitol Complex noong ika-2 ng Disyembre, inanunsiyo ito ng PTF-ELCAC sa mga kagawad ng media sa Palawan na ikinagulat ng nakararami.

RelatedPosts

Palawan has new Police Director

Mga bagong halal na opisyales ng Tourism Office, pormal nang nanumpa sa harapan ni Gob. Alvarez

TESDA, private sector to boost Palawan’s dairy industry

“Nais nating iparating sa mga Palawenyos ang mga iba’t ibang organizations na kaalyado at pinapagalaw ng CPP-NPA-NDF dito sa Palawan,” ang bahagi ng laman ng press statement ng Task Force.

Sa ilalim ng religious sector, nakalathala ang Apostolic Vicariate of Puerto Princesa-Social Action Center (AVPP-SAC), ang UCCP at ang RMP.

 

PINANGALANAN ANG ILANG NASA SEKTOR NG RELIHIYON

Dito tinukoy sina Rev. Fr. Joseph Cacacha na kung saan, nakasaad na siya ay mula sa lungsod ng Puerto Princesa, former Parish Priest ng Bayan ng Aborlan at lider ng grupong Aldaw, Rev. Fr. Jasper Lahan na miyembro naman ng AVPP-SAC at Rev. Fr. Armando Limsa na lider ng Nagkakaisang Tribu sa Palawan (NATRIPAL). Si Pastor Elena del Valle naman ay tinaguriang lider ng UCCP-Palawan.

 

SAGOT NG DIREKTOR NG AVPP-SAC

Sa hiwalay na panayam naman ng Palawan Daily News (PDN) sa isa sa mga tinukoy ng task force na si Rev. Fr. Jasper Lahan, direktor ng AVPP-SAC at Parish Priest ng Brgy. Tagburos ay mariin niyang pinabulaanan ang lahat ng alegasyon ng PTF-ELCAC at sinabing “Marami talaga ang nagulat” sa nasabing anunsiyo.

Ipinaliwanag niyang kaya niya ipinaliwanag sa media na marami silang mga ginagawa at iilan lamang sila ay upang mabigyang-diin na wala na silang panahon na magsayang pa ng oras sa mga makakaliwang-grupo at iginiit na kailanman ay hindi papasok sa ganoong bagay ang Inang Simbahan.

“Kami, ang dami na naming ginagawa sa SEARCDEV, tapos ako may sarili pa ako ngayong area sa Tagburos, tapos nag-aaral pa ako, sa tingin mo ba—? Swerte naman nila kung maglalaan pa ako ng panahon sa kanila (NPA)! Pero ang point lang dito na nais kong i-stress ay wala kaming panahon para diyan…kasi numbered ang hours namin, hindi namin kaya na mag-lose pa ng time para sa walang kakwenta-kwentang bagay,” walang paligoy-ligoy na pahayag ni Fr. Lahan.

Aniya, anim lamang sila sa AVPP-SAC—siya bilang direktor, ang kanilang program manager, community organizer para sa CDRR, livelihood officer, finance, at admin kaya napakaimposible umanong sa bilang na iyon ay may panahon pa sila sa ibang bagay kung ikukumpara sa napakalaking programang nakapaloob sa social action.

Tiniyak din ni Fr. Lahan na kilala niya ang lahat ng miyembro at magkakakilala sila at higit sa lahat, karaniwan din umanong mga kaparian ang namumuno sa mga programang nakapaloob sa SAC, kaya kung sasabihing may linkages sila sa NPA ay hindi rin umano mangyayari iyon.

Paghahalimbawa niya, si Fr. Botchoy ang namamahala sa sustainable agriculture sa Macarascas habang si Fr. Jasper Tabangay naman ang may hawak sa ecology sa Brgy. Napsan.

“Ang aming opisina ay nagsusumikap na i-uplift ang buhay ng bawat tao. Hindi ito para maging kalaban ng gobyerno kundi maging collaborator ng ating government kasi tayo naman ay kabahagi ng gobyernong ito. Ang CSO, ‘yan ay auxiliary to the government, hindi competitor, hindi kami kaaway; kami ay nagsusumikap para mas lalo pang maiangat ang buhay ng bawat mamamayan,” pagbibigay-diin ni Fr. Lahan.

Aniya, ang Apostolic Vicariate of Puerto Princesa-Social Action Center, Inc. ay ka-partner ng gobyerno sa pagbibigay ng tulong sa mga nangangailangan, lalo na umano sa mga panahon ng kalamidad.

“Kami dito sa Social Action Center, sa aming central na tinatawag naming National Secretariat for Social Action, isa sa mga wini-work-out namin diyan ay i-instill [sa mga workers] that they must work professionally…lalo na sa pakikipag-deal namin with the poor….Kasi dapat sila ang recipient ng utmost service na pwedeng i-render ng Simbahan,” paghahalimbawa pa ni Fr. Lahan sa kanilang grupo sa PTF-ELCAC.

Kaugnay nito, panawagan lamang umano nila sa mga kinauukulan ay umakto bilang propesyonal.

“Ang mahirap kasi ang professionalism natin nasa pangalan lang, ang professionalism sa atin nasa opisina lang pero hindi sa buhay,” patama pa niya.

 

MALING IMPORMASYON?

Nabanggit umano niya ang salitang professionalism dahil hindi lamang umano sila nagulat sa pagsangkot sa kanila sa CPP-NPA-NDF ay mali rin ang mga nakalagay na impormasyon.

Inisa-isa ng pari ang mga impormasyon. Pagtatama niya, si Fr. Arman Limsa ay hindi na kunektado sa NATRIPAL at ang hawak ngayon ay ang Palawan Katutubo Mission bilang isa ring miyembro ng Tagbanua IP Group.

Ukol naman kay Fr. Joseph ay mali na sabihing dati siyang parish priest ng Aborlan sapagkat ito ang hawak niyang parokya sa ngayon. Ang nakalagay naman umanong lider siya ng ng Aldaw ay isang malaking kasinungalingan dahil ni hindi umano nila alam ang grupong iyon.

Lalo na umano sa impormasyong nakalagay sa kanya na miyembro siya ng AVPP-SAC dahil siya ang direktor.

“Nakatatawa! At di ko alam, na ang highest paid [government officials] ang magre-report ng  ganyan—it’s a trash, basura! Ire-report mo ‘yung basura. Ibig sabihin, i-equate mo ‘yung sarili mo sa basurang information!? Baseless, ire-report mo!?” parunggit pa niya sa mga miyembro ng Palawan Task Force ELCAC.

Tanong pa niya, nakikita ba umano nila ang implikasyon sa kanilang ginagawa sa pagkatao ng mga kaparian.

“Kaya dapat ang pag-handle ng ganito, i-handle professionally. Kung sa akin lang, sanay naman ako sa issue, marami namang gumagawa-gawa ng isyu sa akin, ako di ko papansinin ‘yan pero dahil sila ay nasa gobyerno, expected sa kanila na dapat ang ginagawa nila ay in a professionally [way],” paliwanag pa niya.

Aniya, hindi patas ang ginawa sa kanila ng mga kinauukulan at dapat ay sila pa ang magpaliwanag sa kung bakit nilagay ang kanilang mga pangalan sa redlist bagamat bukas naman umano sila sa pakikipag-usap sa Western Command upang maging maayos ang lahat.

 

MENSAHE SA MGA MANANAMPALATAYA

Ibig umano nilang ipaunawa sa lahat na kung anuman ang kanilang mababasa o kung anuman ang kanilang makikita ay mariin nila itong pinabubulaanan dahil ang kanilang tanggapan ay hindi kasapi sa makakaliwang-grupo.

Payo na lamang ng paring si Lahan sa mga naglathala ng kanilang pangalan at ng kanilang grupo na maituwid ang pagkakamali lalo pa’t nakaaapekto iyon sa buhay ng ibang tao kagaya nila.

Aniya, madali naman umano silang kausap kaya bakit hindi umano muna sila kinausap ng PTF-ELCAC at nang hindi na umabot pa sa puntong hindi na nagkakaunawaan.

“Kasi kung sana nagtanong lang, sana kinilala muna kami, sana nag-imbestiga ng maayos, hindi sana kami nasama sa ganyan. Kaya nais ko lang sanang sabihin na maging responsable po tayo sa lahat ng mga ginagawa natin kasi maaaring ang ginagawa natin ay makaapekto sa buhay ng kapwa tao natin,” komento pa ni AVPP-SAV Director Lahan.

Umaasa umano silang mapagsumikapan ng PTF-ELCAC na maisaayos kung ano ang nasabi laban sa kanila at malinis ang kanilang mga pangalan.

Kaugnay pa rin sa redtagging, ang United Church of Christ in the Philippines Palawan at Puerto Princesa Chapters ay naglabas din ng pahayag na mariing pinapasinungalingan ang statement ng PTF-ELCAC laban sa isa sa kanilang mga pastor.

“We, the United Church of Christ in the Philippines, strongly and categorically deny the allegation that the UCCP is an organization that supports CPP-NPA-NDF in Palawan and so is our pastor,” ang bahagi ng pahayag ng UCCP-Palawan sa isinagawa nilang Associate Conference.

Iginiit nilang kilala nila si Pastora del Valle na masigasig sa pagganap sa tungkulin sa kanilang simbahan at walang anumang kaugnayan sa Rebolusyunaryong Samahan. Nakatalaga ngayon si Pastora del Valle sa UCCP-Puerto Princesa na kung saan, ang kanilang simbahan ay matatagpuan sa Wescom Road, Brgy. San Miguel.

Tags: Apostolic Vicariate of Puerto Princesaapostolic vicariate of puerto princesa-social action centeravppavpp-saccpp-npacpp-npa-ndfnew people's armyNPAptf elcacuccpuccp-palawan
Share103Tweet65
Previous Post

Narra conducts World AIDS Day youth forum

Next Post

Palawan’s fourth Balay Silangan inaugurated in Narra

Diana Ross Medrina Cetenta

Diana Ross Medrina Cetenta

Related Posts

Habagat drenches Palawan as PAGASA tracks three weather system
Provincial News

Palawan has new Police Director

July 16, 2025
Mga Munisipyo sa Palawan, nakatanggap ng tig-iisang bagong Patient Transport Vehicle Unit mula sa PCSO
Provincial News

Mga bagong halal na opisyales ng Tourism Office, pormal nang nanumpa sa harapan ni Gob. Alvarez

July 10, 2025
Mt. Mantalingahan marks 16th year as protected landscape with community-led forest celebration
Provincial News

TESDA, private sector to boost Palawan’s dairy industry

July 8, 2025
Mt. Mantalingahan marks 16th year as protected landscape with community-led forest celebration
Provincial News

Surge in stray Dogs sparks calls for action

July 8, 2025
Stake holders push for halal slaughterhouse to uplift halal industry
Provincial News

Stake holders push for halal slaughterhouse to uplift halal industry

July 7, 2025
Doulos Hope, nakatakdang bumalik muli sa lungsud sa agosto
Provincial News

Doulos Hope, nakatakdang bumalik muli sa lungsud sa agosto

July 3, 2025
Next Post
Palawan’s fourth Balay Silangan inaugurated in Narra

Palawan's fourth Balay Silangan inaugurated in Narra

Fluvial Parade para sa Inang Birhen Maria, sama-samang ipinagdiwang sa Puerto Princesa

Fluvial Parade para sa Inang Birhen Maria, sama-samang ipinagdiwang sa Puerto Princesa

Discussion about this post

Latest News

63-anyos, patay sa aksidente sa Bayan ng Roxas

Lumang simbahan, natupok ng apoy

July 16, 2025
63-anyos, patay sa aksidente sa Bayan ng Roxas

51- Anyos na Lalaki, timbog sa Drug-bust OP sa Brooke’s Point

July 16, 2025
63-anyos, patay sa aksidente sa Bayan ng Roxas

Pangulong Marcos at DOE Secretary Garin, binisita ang Malampaya Phase IV Drilling Project sa Palawan

July 16, 2025
63-anyos, patay sa aksidente sa Bayan ng Roxas

CBNC at Mind Museum, nagsagawa ng scientific exhibits para sa mga estudyante sa lungsod

July 16, 2025
63-anyos, patay sa aksidente sa Bayan ng Roxas

City Council seeks to resolve issues in proposed Fish Port Project

July 16, 2025

POPULAR NEWS

  • Igorot hunks plant tree seedlings in Yamang Bukid Farm

    Igorot hunks plant tree seedlings in Yamang Bukid Farm

    15012 shares
    Share 6005 Tweet 3753
  • ‘Rizal is still relevant in a modern society’

    11222 shares
    Share 4489 Tweet 2806
  • Aktres na si Maja Salvador, sa Puerto Princesa inabutan ng quarantine

    10267 shares
    Share 4107 Tweet 2567
  • Palawan ranks 2nd for 2020 Hottest Destination in the world

    9651 shares
    Share 3860 Tweet 2413
  • Everything you need to know about ukay-ukay and its illegality

    9016 shares
    Share 3606 Tweet 2254
Palawan Daily News

© 2025 All Rights Reserved. Alpha Eight Publishing

Navigate Site

  • Home
  • Latest News
  • Advertise
  • Online Radio
  • Opinion
  • Legal Section
  • Lifestyle
  • About the PDN

Follow Us

No Result
View All Result
  • Home
  • Latest News
    • City
    • Provincial
    • National
    • Regional
  • Advertise
  • Online Radio
  • Opinion
  • Legal Section
  • Lifestyle
  • About the PDN
    • Contact Us
    • Ownership and Funding

© 2025 All Rights Reserved. Alpha Eight Publishing