Arestado sa anti-drug buy-bust operation ng mga otoridad ang itinuturing na High-Value Individuals o HVI sa bintahan ng ilegal na droga habang ang kasamahan naman nito ay nakatakas.
Base sa spot report ng PNP, naganap ang operasyon 6:05 PM noong Biyernes sa Purok Masaya, Libis Road, Barangay San Pedro, Puerto Princesa City.
Ang naarestong suspek ay si Gener Gabuco alyas Kako Gabuco, 41 anyos, binata at residente rin sa Barangay San Pedro habang ang nakatakas na kasamahan umano nito ay kinilalang si Fermen Delos Reyes.
Nakuha sa suspek ang dalawang plastic sachets ng pinaghihinalaang shabu at buy-bust money.
Samantala si Gabuco ay nahaharap na sa kasong paglabag sa Republic Act 9165 o Comprehensive Dangerous Drugs Act of 2002.
Discussion about this post